ОСНОВНА  ШКОЛА »ЈОВАН  ЈОВАНОВИЋ ЗМАЈ«  ЂУРЂЕВО

ОСНОВНА ШКОЛА »ЙОВАН ЙОВАНОВИЧ ЗМАЙ« ДЮРДЬОВ

ТОЛЕРАНЦИЯ И ТРАДИЦИЯ ЗЛАТА ВРЕДЗА!

ОТРИМАНИ "ЕТНО ДЗЕНЬ

Дюрдьов, 11. 04. 2008.

У Основней школи "Йован Йованович Змай" у Дюрдьове пияток, отримани проект Войводянского центра за людски права "Етно дзень" хтори ше реализує у 23 вецейязичних школох у Войводини у рамикох двох школских годзинох, а часц є проєкта "Афирмация мултикултурализма и толеранциї" Вивершней ради Войводини. Проект отримани за седми и осми класи руских и сербских оддзелєньох хтори на тей годзини учели о култури, историї и традициї сербского и руского народу. Презентацию обдумала професорка ґеоґрафиї Любица Симич, а руски школяре, могли научиц о историї Шайкашкого одряду, послухац писню "Ґараврго сокаку", а през инсерт зоз филма "Ивкова слава" , потолковани славски обичаї.

Школяре ше упознали и зоз биоґрафиями писательох и науковцох Иви Андрича, Мирослава Антича, Николи Тесли, а дзеци дознали и о значносци професора подобовей култури Димитрия Пушкарова хтори робел у шко­ли у Дюрдьове.

- Думам же школяре у ру­ских оддзелєньох знаю вельо вецей о сербскей култури и историї, бо вони о тим учели през порядну наставу, а вельо интересантнєйше тото цо Руснаци презентовали сербским школяром — гварела професорка Любица Симич.

На истей годзини хтора отримана стреду, 9. априла, школяре сербского оддзелєня мали нагоду научиц дацо о рускей традициї, през шпиванки хтори одграл мали тамбурови оркестер, а представена   и    кратка   сличка

колядованя. Школяре ше упознали зоз биоґрафию писателя Миколи Кочиша, як и уметнїкох Владимира Дорокхазия и Татяни Перович, а тиж и о важносци Яши Бако­ва за Руснацох.

У рамикох "Етно дня" порихтани и сербски и руски єдла, а школяре достали зада­ток же би пренашли податки о руских манифестацийох хтори ше отримує у Войво­дини. Читало ше басни по ру­ски и сербски, а школяре научели и даскельо слова по ру­ски. Як символ же участвовали у тим проекту дзеци до­стали дарунки.

А. Дудаш

РУСКЕ СЛОВО 11.04. 2008.